Молитвы от вредителей сада

Молитвы от вредителей посевов

Избавителем полей от болезней и вредителей издавна почитались святой мученик Трифон (память 14 февраля), святой Евстафий (память 3 октября) и святой Иулиан Ливийский (память 4 июля). В Большом Требнике рекомендуется при нападении вредителей посевов совершать «чин, бываемый на нивах, или винограде, или вертограде, аще случится вредитися от гадов, или иных видов». В указанном чине говорится: «подобает быти Литургии и вжигати кандило святаго Трифона, или святаго Евстафия, или святаго Иулиана Ливийского, или и обоих», и после Литургии «взяти елей от кандил и воду святых Богоявлений» и окропить крестообразно посевы или посадки, читая молитвы святым.

Молитва из чина, бываемого на нивах, или винограде, или вертограде, аще случится вредитися от гадов, или иных видов

(молитва об избавлении насаждений от вредителей)

Господи Боже наш, в начале создания Твоего сотворивый небо и землю: и небо украсивый великими светилы, еже просвещати на земли, и чудитеся теми Тебе Единому Содетелю и Владыке твари, землю же украсивый злаком и травою, и различием семен сеемых по роду, и всю цветы вообразив в благоукрашение, благословил еси ю: Сам и ныне, Владыко, призри от святаго жилища Твоего на стяжание сие; и благослови е. Сохрани е неврежденно от всякого чарования и обаяния, и всякого зла, оплазнства же лукавого, и коварства лукавых человек; и даждь ему приносити плоды во время, исполнены благословения Твоего, и всякого зверия и гада, червь же и мехи, и рже, зной и вар, и безгодния ветры, вред наносящия, отжени от него. Яко освятися и прославися Пречистое и Великолепое Имя Твое, Отца и Сына и Святаго Духа, ныне и присно и во веки веков. Аминь.

Полностью упомянутый церковный чин заказывается в церкви. Во время его освящается вода, которой кропятся посевы и насаждения.

Тропарь мученика Трифона, глас 4

Мученик Твой, Господи, Трифон, во страдании своем венец прият нетленный от Тебе, Бога нашего, имеяй бо крепость Твою, мучителей низложи, сокруши и демонов немощныя дерзости. Того молитвами спаси души наша.

Ин тропарь мученика Трифона, глас 4

Пищи Божественныя, треблаженне, наслаждаяся на Небесех неоскудно, славящих песньми память твою покрый и сохрани от всякия нужды, отженй вредящих нивам животных, да тебе от любве вопием всегда: радуйся, Трифоне, мучеников укрепление.

Кондак мученика Трифона, глас 8

Тройческою твердостию многобожие разрушил еси от конец, всеславне, честен во Христе быв, и, победив мучители во Христе Спасителе, венец приял еси мученичества твоего и дарования Божественных исцелений, яко непобедим.

В случае нашествия вредителей на поля православные христиане молятся Пресвятой Богородице перед Ее образом «Неувядаемый Цвет».

Тропарь Пресвятой Богородице перед Ея иконой, именуемой «Неувядаемый Цвет», глас 5

Радуйся, Богоневесто, жезле тайный, Цвет Неувядаемый процвет-ший, радуйся, Владычице, Еюже радости наполняемся и жизнь наслед-ствуем.

Молитва к Пресвятой Богородице перед Ея иконой, именуемой «Неувядаемый цвет»

О, Пресвятая и Пренепорочная Мати Дево, надеждо христиан и прибежище грешным! Защити всех в несчастиях к Тебе прибегающих, услыши стенания наша, приклони ухо Твое к молению нашему. Владычице и Мати Бога нашего, не презри требующия Твоея помощи и не отрини нас грешных, вразуми и научи нас: не отступи от нас, рабов твоих, за роптание наше. Буди нам Мать и Покровительнице, вручаем себе милостивому покрову Твоему. Приведи нас грешных к тихой и безмятежней жизни; да оплачем грехи наши. О, Мати Марие, наша преблагая и скорая Заступнице, покрый нас Своим ходатайством. Защити от врагов видимых и невидимых, умягчи сердца злых людей, воздающих на нас. О, Мати Господа Творца нашего! Ты корень девства и неувядающий цвет чистоты и целомудрия, пошли помощь нам немощным и обуреваемым плотскими страстьми и блуждающими сердцами. Просвети наши душевныя очи, да видим пути правды Божия. Благодатию Сына Твоего укрепи нашу слабую волю во исполнение заповедей, да избавимся от всякия беды и напасти и оправданы будем Твоим пречудным заступлением на страшном суде Сына Твоего. Емуже мы воздаем славу, честь и поклонение ныне и присно, и во веки веков. Аминь.

Источник

Молитва об избавлении полей, садов и огородов от вредителей

Мученику Трифону
(Святому Трифону с юных лет Господь даровал силу изгнания бесов, исцеления от различных болезней. Кроме того известны многочисленные случаи чудесных избавлении от гусениц, саранчи и других вредителей полей, садов и огородов с помощью святого Трифона по молитвам к нему.)

Молитва
О святый мучениче Христов Трифоне, скорый помощниче и всем к тебе прибегающим и молящимся пред святым твоим образом скоропослушный предстателю! Услыши ныне и на всякий час моление нас, недостойных рабов твоих, почитающих святую память твою во всечестнем храме сем, и предстательствуй о нас пред Господем на всяком месте. Ты бо, угодниче Христов, в великих чудесех возсиявый, источаяй цельбы притекающим к тебе с верою и сущия в скорбех человеки заступаяй, сам обещался еси прежде исхода твоего от жития сего тленнаго молитися за ны ко Господу и испросил еси у Него дар сей: аще кто в какой-либо нужде, печали и болезни душевней или телесней призывати начнет святое имя твое, той да избавлен будет от всякаго прилога злаго. И якоже ты иногда дщерь цареву, в Риме граде от диавола мучиму, исцелил еси, сице и нас от лютых его козней сохрани во вся дни живота нашего, наипаче же в день последняго нашего издыхания предстательствуй о нас. Буди нам тогда помощник и скорый прогонитель лукавых духов, и к Царствию Небесному предводитель. И идеже ты ныне предстоиши с лики святых у Престола Божия, моли Господа, да сподобит и нас причастники быти присносущнаго веселия и радости, да с тобою купно прославляем Отца и Сына и Святаго Утешителя Духа во веки. Аминь.

Источник

Об избавлении от мышей, клопов, тараканов, от гусениц, вредящих садам, полям и огородам

Мученику Трифону (1/14 февраля).

Святому Трифону Господь с юных лет даровал силу изгнания бесов, исцеления различных болезней. Кроме этого известны многочисленные случаи чудесных избавлений от гусениц, саранчи, различных других насекомых, вредящих полям, садам и т. д., помощию святого Трифона по молитве к нему. Есть традиция заказывать молебен этому святому с водосвятием и кропить святой водой огороды и участки.

Молитвы

Мученику Трифону Апамейскому

Тропарь, глас 4:

Пи́щи Боже́ственныя, треблаже́нне,/ наслажда́яся на Небесе́х неоску́дно,/ сла́вящих пе́сньми па́мять твою́ покры́й/ и сохрани́ от вся́кия ну́жды,/ отжени́ вредя́щих ни́вам живо́тных,/ да тебе́ от любве́ вопие́м всегда́:// ра́дуйся, Три́фоне, му́чеников укрепле́ние.

Кондак, глас 8:

Тро́ическою тве́рдостию/ многобо́жие разруши́л еси́ от коне́ц, всесла́вне,/ че́стен во Христе́ быв, и, победи́в мучи́тели во Христе́ Спаси́теле,/ вене́ц прия́л еси́ му́ченичества твоего́/ и дарова́ния Боже́ственных исцеле́ний,// я́ко непобеди́мь.

Велича́ем тя,/ страстоте́рпче святы́й Три́фоне,/ и чтим честна́я страда́ния твоя́,/ я́же за Христа́// претерпе́л еси́.

О, святы́й му́чениче Христо́в Три́фоне, ско́рый помо́щниче и всем к тебе́ прибега́ющим и моля́щимся пред святы́м твои́м о́бразом скоропослу́шный предста́телю! Услы́ши ны́не и на вся́кий час моле́ние нас, недосто́йных рабо́в твои́х, почита́ющих святу́ю па́мять твою́ во всечестне́м хра́ме сем, и предста́тельствуй о нас пред Го́сподем на вся́ком ме́сте. Ты бо, уго́дниче Христо́в, в вели́ких чудесе́х возсия́вый, источа́яй цельбы́ притека́ющим к тебе́ с ве́рою и су́щия в ско́рбех челове́ки заступа́яй, сам обеща́лся еси́ пре́жде исхо́да твоего́ от жития́ сего́ тле́ннаго моли́тися за ны ко Го́споду и испроси́л еси́ у Него́ дар сей: а́ще кто в како́й-ли́бо ну́жде, печа́ли и боле́зни душе́вней или́ теле́сней призыва́ти на́чнет свято́е и́мя твое́, той да изба́влен бу́дет от вся́каго прило́га зла́го. И я́коже ты иногда́ дщерь царе́ву, в Ри́ме гра́де от диа́вола му́чиму, исцели́л еси́, си́це и нас от лю́тых его́ ко́зней сохрани́ во вся дни живота́ на́шего, наипа́че же в день после́дняго на́шего издыха́ния предста́тельствуй о нас. Бу́ди нам тогда помо́щник и ско́рый прогони́тель лука́вых духо́в, и к Ца́рствию Небе́сному предводи́тель. И иде́же ты ны́не предстои́ши с ли́ки святы́х у Престо́ла Бо́жия, моли́ Го́спода, да сподо́бит и нас прича́стники бы́ти присносу́щнаго весе́лия и ра́дости, да с тобо́ю ку́пно прославля́ем Отца́ и Сы́на и Свята́го Уте́шителя Ду́ха во ве́ки. Ами́нь.

Источник